სკკა-ის ІІІ საერთაშორისო
კონფერენცია ბათუმში
საქართველოს კერძო კოლეჯების ასოციაციის მოწვევით 17 სექტემბერს ბათუმს ეწვია ლატვიის კოლეჯების ასოციაციის დიდი წარმომადგენლობა. ლატვიელი სტუმრების მონაწილეობით ბათუმის უმაღლეს საინჟინრო საზღვაო სასწავლებელ „ანრიში“ ჩატარდა საქართველოს კერძო კოლეჯების ასოციაციის ІІІ საერთაშორისო კონფერენცია.
ბათუმის სამედიცინო აკადემიიდან კონფერენციის მუშაობაში მონაწილეობას იღებდნენ რევაზ უზუნაძე (დირექტორი), ევგენი თავდგირიძე (დირექტორის მოადგილე), მზია ბაკურიძე (ხარისხის უზრუნველყოფის მენეჯერი), შორენა უზუნაძე (სტომატოლოგიური პროგრამების მენეჯერი).
კონფერენციაზე იყო საუბარი პროფესიული განათლების მნიშვნელობაზე, გამოწვევებსა და პრობლემებზე. მათი გადაჭრის გზებზე.
ხაზგასმით ითქვა, რომ აუცილებელია სახელმწიფომ იზრუნოს პროფესიული განათლების განვითარებაზე. რომლის მნიშვნელოვანი შემადგენელი ნაწილია კერძო პროფესიული სასწავლებლები. ამ უკანასკნელთა მიმართ სახელმწიფო მოვალეა ასევე ხელი შეუწყოს მათ განვითარებას.
გაფორმდა ურთიერთთანამშრომლობის მემორანდუმი ლატვიის კოლეჯების ასოციაციასა და საქართველოს კერძო კოლეჯების ასოციაციას შორის:
ბათუმის სამედიცინო აკადემიამ გააფორმა ურთიერთთანამშრომლობის მემორანდუმი ლატვიის სახ.უნივერსიტეტთან არსებულ სამედიცინო კოლეჯთან და რიგის სარკანა კრუსტას სამედიცინო კოლეჯთან.
რევაზ უზუნაძემ ბათუმის სამედიცინო აკადემიის სახელით სამახსოვრო საჩუქრები გადასცა ლატვიის კოლეჯების ასოციაციის პრეზიდენტ იურის გერასიმოვს და დელეგაციის სხვა წარმომადგენლებს. სტუმრების პატივსაცემად გაიმართა ვახშამი. შეხვედრამ ჩაიარა გულთბილ, საქმიან ვითარებაში.
გაცნობებთ რომ
ბათუმის სამედიცინო აკადემია აჭარაში მოქმედი მედია საშუალებების ჟურნალისტებისათვის ატარებს ერთდღიან უფასო ტრენინგ-სემინარს თემაზე: „პირველადი გადაუდებელი სამედიცინო დახმარება“. სემინარის მონაწილეები შესაბამის თეორიულ ცოდნასთან ერთად შეიძენენ პრაქტიკულ უნარ-ჩვევებს შესაბამის სიტუაციებში სწრაფად და ეფექტურად მოქმედებისათვის.
მედია-საშუალებებს ვთხოვთ სურვილის შემთხვევაში მოგვაწოდონ იმ პირთა ვინაობა, რომლებიც მონაწილეობას მიიღებენ სემინარის მუშაობაში.
ტრენინგ-სემინარი ჩატარდება 6 აგვისტოს. დასაწყისი 11 საათზე.
მისამართი: ქ.ბათუმი ალ.პუშკინის ქ. №118 (მედ-ცენტრის შენობა) ІV სართული. ტელ: 27-89-01; 577 50 56 60.
15 ივლისს ბათუმის სამედიცინო აკადემიას ეწვია საქართველოს კერძო კოლეჯების ასოციაციის პრეზიდენტი, ქალბატონი ნინო გომელაური. აკადემიის წარმომადგენლებთან შეხვედრის დროს საუბარი გაიმართა ასოციაციის მიერ გაწეულ მუშაობაზე და იმ ღონისძიებებზე, რომლებიც უახლოეს პერიოდში არის დაგეგმილი. ყურადღება გამახვილდა რეგიონში არსებული პროფესიული სასწავლებლების ეფექტური ჩართულობის აუცილებლობაზე, ასოციაციის ეგიდით განხორციელებულ ღონისძიებებში. ნინო გომელაურმა აცნობა დამსწრე საზოგადოებას, რომ პროფესიულ სასწავლებლებთან ეფექტური კომუნიკაციისა და კოორდინაციის მიზნით, ასოციაციის გამგეობის გადაწყვეტილებით აჭარაში მათ წარმომადგენლად დაინიშნა სამედიცინო აკადემიის დირექტორი რევაზ უზუნაძე.
თემატური ექსკურსია "ავერსი რაციონალში"
2015 წლის 26 ივნისი. ბათუმის სამედიცინო აკადემიის ფარმაცვტული პრეპარატების წარმოების სპეციალობის მესამე საფეხურის პროგრამის სტუდენტებმა სასწავლო საწარმოო - ექსკურსიით საქარხნო წამალთა ტექნოლოგიის გაცნობის მიზნით ეწვიენ ფარმაცევტული კომპანია - "ავერსი-რაციონალსს".
25 მაისს, ბათუმის სამედიცინო აკადემიაში გაიმართა სტუდენტთა სამეცნიერო-პრაქტიკული კონფერენციის შემაჯამებელი ღონისძიება, რომელსაც ესწრებოდნენ სტუდენტები, პედაგოგები, ადმინისტრაციული პერსონალი და მოწვეული სტუმრები. აკადემიის დირექტორმა, პროფესორმა რევაზ უზუნაძემ წარმატებული უწოდა კონფერენციის მიმდინარეობას და მადლობა გადაუხადა თითოეულ სტუდენტს და მათ ხელმძღვანელებს საინტერესო თემების წარმოდგენისათვის. მანვე საპრიზო ადგილებზე გასვლისათვის საჩუქრებითა და ქების სიგელებით დააჯილდოვა სტუდენტები: სალომე ბალაძე ( I ადგილი), მარინა ხაჩატრიანი ( I ადგილი), შორენა ჩოგაძე ( II ადგილი), ნათია მაისურაძე ( III ადგილი). წარმოდგენილი საყურადღებო ნაშრომისათვის დაჯილდოვდნენ ნინო აბაშიძე, ემზარ შაინიძე, არჩილ როდინაძე, თამუნა გორგაძე, თეონა ჭაღალიძე, ლელა მახარაძე, მარიამ ვერულიძე, დიანა არძენაძე, გვანცა გალოგრე, ნატო ქამადაძე. სხვადასხვა ხასიათის სამედიცინო და მხატვრული ლიტერატურით დაჯილდოვდნენ და საპატიო სიგელები გადაეცათ წარმატებული თემის ხელმძღვანელ პროფესიულ მასწავლებლებს: მზია ბაკურიძეს, ნინო ცინცაძეს, ნარგიზ ბუცხრიკიძეს, მარინა კვირიკაძეს, ზაირა ჯაფარიძეს, ნონა ქათამაძეს, ინგა ვარდიძეს, თამუნა მუფთიშვილს. აკადემიის საპატიო სიგელით დაჯილდოვდა სტუდენტური გაერთიანების კურატორი, სოფიო ბრუნჯაძე, ხოლო მადლობის ბარათი გადაეცა პროფესიულ მასწავლებელს ინგა ვარდიძეს და ნარგიზ ბუცხრიკიძეს. ყურადღების მიღმა არ დარჩენილან სასწავლებლის კურსდამთავრებულები. პროფესიულ საქმიანობაში მიღწეული წარმატებებისათვის ”საამაყო აკადემიელის წოდება” მიენიჭათ ოლღა იშჩენკოს, შორენა უზუნაძეს, ლელა ჭარბაძეს, ქეთევან მახარაძეს. უფროსი თაობის წარმომადგენლებს შორის საპატიო და ღვაწლმოსილი აკადემიელის წოდებები მიენიჭათ პროფესორ აკაკი ზოიძეს, და მრჩეველთა საბჭოს თავმჯდომარეს, გრიგორ გოგუაძეს, ხოლო სამედიცინო აკადემიის მეგობრის წოდება - მრჩეველთა საბჭოს წევრ თამაზ თურმანიძეს. ღონისძიების დასკვნით ეტაპზე სიტყვით გამოვიდნენ სტუდენტები: ნატო ქამადაძე, შოთა ლომინაძე, თამუნა ბერიძე, სალომე ბალაძე, მარინა ხაჩატრიანი, შორენა ჩოგაძე, ნათია მაისურაძე, დირექტორის მოადგილე ევგენი თავდგირიძე, ადმინისტრაციის წარმომადგენლები და პედაგოგები: მზია ბაკურიძე, ინგა შალამბერიძე, ზაირა ჯაფარიძე, ნონა ქათამაძე. სტუდენტები: ნანა უგულავა და ქეთევან მახარაძე. ღონისძიების დასასრულ წარჩინებული სტუდენტებისათვის დაიგეგმა ექსკურსია ბათუმის ბოტანიკურ ბაღში.
14 მაისის დილა ხალისიანად დაიწყო ბათუმის სამედიცინო აკადემიაში. სტუდენტები შემოქმედებით-სპორტული პაექრობისათვის ემზადებოდნენ....
მასპინძლის - საზღვაო სასწავლებელ „ანრის“ სააქტო დარბაზში უამრავი ადამიანი შეიკრიბა...
სცენაზე ერთმანეთს ცვლიდნენ სიტყვის ახალბედა ოსტატები, დეკლამატორები, იუმორის „დიდოსტატები“, მომრერლები, სპორტის მოყვარულები... დარბაზში იყო ხალისიანი განწყობილება, უამრავი ღიმილიანი სახე და ბევრი ტაში...
ჟიურიმ, რომლის შემადგენლობაში იყვნენ მზია ბაკურიძე, ინგა შალამბერიძე, რუსუდან დიასამიძე და ანზორ შარაშაძე, გამოავლინა სხვადასხვა ნომინაციებში გამარჯვებულები, რომელთაც წარმარება მიულოცა საზღვაო სასწავლებელ „ანრის“ დირექტორის მოადგილემ, ტექნიკის დოქტორმა რუსლან დიასამიძემ, ხარისხის უზრუნველყოფის სამსახურის უფროსმა, კაპიტანმა ბადრი ტოგონიძემ, ბათუმის სამედიცინო აკადემიის დირექტორმა, აჭარის პროფესიულ სასწავლებელთა წარმომადგენლობის კოორდინატორმა, პროფესორმა რევაზ უზუნაძემ, რომელმაც კონკურსში გამარჯვებულებს საჩუქრად გადასცა წიგნები და დააჯილდოვა სიგელებით. ღონისძიებას უძღვებოდა აკდემიის დირექტორის მოადგილე ევგენი თავდგირიძე.
11 მაისს ბათუმის სამედიცინო აკადემიაში გაიმართა ”ღია კარის” დღე. ღონისძიებაში მონაწილეობდნენ ქალაქ ბათუმის საჯარო სკოლების მე-9 - მე-12 კლასელები, აკადემიის კურსდამთავრებულები და პედაგოგები. სასწავლებლის წარსულსა და დღევანდელობაზე მის მიერ განხორციელებულ პროგრამებზე, ტექნიკურ აღჭურვილობაზე, მიღების პირობებზე და სტუდენტურ ცხოვრებაზე სტუმრებს ესაუბრენ აკადემიის დირექტორი, პროფესორი რავაზ უზუნაძე, დირექტორის მოადგილე ევგენი თავდგირიძე, სტრატეგიული განვითარებისა და ხარისხის უზრუნველყოფის მენეჯერი მზია ბაკურიძე, სტუდენტთა თვითმმართველობის ლიდერი შოთა ლომინაძე.
აკადემიის სტუდენტებმა სტუმრებს გააცნეს საკუთარი შემოქმედება. ნაჩვენები იყო სასწავლებლის ცხოვრების ამსახველ ვიდე-ფოტო კოლაჟი. მოსწავლეებმა, დაათვალიერეს აკადემიის აუდიტორიები, ბიბლიოთეკა, კაბინეტ-ლაბორატორიები.
ბათუმის სამედიცინო აკადემიაში სტუდენტური დღეები გრძელდება. 7 მაისს გაიმართა შემოქმედებითი კონკურსი. ერთმანეთს ეპაექრებოდა 20-ზე მეტი კონკურსანტი. გამოვლინდნენ გამარჯვებულები სხვადასხვა ნომინაციებში:
საუკეთესო ფოტო/ნახატი- მარიამ ჯგარკავა
ჩემი ერთი წუთი-ნატო ქამადაძე, თეა კალატოზი
მხტვრული კითხვა- შოთა ლომინაძე
სიტყვის აწყობა- შოთა ლომინაძე
ღია კარის დღე
ბათუმის სამედიცინო აკადემიაში
(11 მაისი, 14 საათი)
23 წლის განმავლობაში ფარხმალი არასოდეს დაუყრია. მიუხედავად იმისა რომ 2007 წელს სრულიად უკანონოდ ორსართულიანი შენობა დაუნგრიეს, არ გატყდა, არასათანადო გარემოში სიცოცხლის გაგრძელების არნახული ენერგია გამოამჟღავნა, რაც 2014 წელს სასწავლებლისათვის „ავტორიზაციით“ და „სამედიცინო აკადემიის“ სახელის მინიჭებით დასრულდა.
ამჟამად ბათუმის სამედიცინო აკადემიის ცხოვრებაში განახლების, ახალი პროგრამების ათვისების, გაფართოების, სწავლების თანამედროვე მეთოდების პრაქტიკაში დანერგვის, სტუდენტური თვითმმართველობის განმტკიცების და საერთოდ, ქალაქის, რეგიონის და ქვეყნის ცხოვრებაში მისი აქტიური ჩართულობის პერიოდია....
ეს პერიოდი ხასიათდება დინამიურობით, სრულყოფილებისაკენ სწრაფვით, იდეების მრავალფეროვნებით; გვსურს ქვეყნის მასშტაბით ცხოვრების ნორმად ვაქციოთ თითოეული მოქალაქისათვის პირველადი გადაუდებელი დახმარების ცოდნა, საოჯახო მომსახურების ცენტრის სრული ამოქმედებით „შინმოვლის“ თანამედროვე სტანდარტების დამკვიდრება, სადაც შემთხვევით არჩევანს ჩაანაცვლებს საიმედო გადაწყვეტილებები...
და მაინც, ჩვენი უმთავრესი საზრუნავია ის, ვინც ჩვენს საერთო მომავალს ქმნის, ჩვენს და თქვენს საერთო პერსპექტივას. ჩვენი სტუდენტი, ჩვენი თვალით დანახულს, გულით შეგრძნობილს და გონებით გაანალიზებულს ითვისებს. სამაგიეროდ, ჩვენ მათგან ვიძენთ სიცოცხლის ახალ სტიმულს, ვსწავლობთ ხალას ურთიერთობებს, გულწრფელობას, თავისუფლებას...
როგორი უნდა იყოს ჩვენი მომავალი?
- დადგა დრო, როცა ჩვენგან დასაქმებისთანავე ითხოვენ მაღალ პროფესიონალიზმს.
- დადგა დრო, როცა ჩვენ უნდა ვირჩევდეთ პროფესიას, რომელიც დაგვასაქმებს.
- უნდა ავირჩიოთ პროფესია, რომელიც ჩვენგან მოითხოვს გულმოდგინებას და არ ტანჯვას.
- უნდა ავირჩიოთ პროფესია, რომელშიც ვხედავთ ჩვენს უახლოეს პერსპექტივას და არ უნდა მივეცეთ ილუზიებს.
როცა საკითხს ასე ვსვამთ, კარგად ვხედავთ როგორც დღევანდელ რეალობას, ისე მომავლის პერსპექტივას. ჩვენი არჩევანი არ არის მხოლოდ სიმბოლური დატვირთვის „უმაღლესის დიპლომის“ ჯიბეში ჩადება და მერე იქ დაობება. ჩვენი არჩევანია პროფესიები, რომლებიც ჩვენს კურსდამთავრებულებს დასაქმების და საკუთარი თავის რეალიზაციის მეტ შანსს მისცემს.
გამოიყენეთ ეს შანსი! მოდით ჩვენთან! ისწავლეთ, შეიძინეთ მეგობრები, გაიარეთ პრაქტიკა, დასაქმდით და იცხოვრეთ ბედნიერად!
პატივისცემით: ევგენი თავდგირიძე
ბათუმის სამედიცინო აკადემიის
დირექტორის მოადგილე
