25 მაისს, ბათუმის სამედიცინო აკადემიაში გაიმართა სტუდენტთა სამეცნიერო-პრაქტიკული კონფერენციის შემაჯამებელი ღონისძიება, რომელსაც ესწრებოდნენ სტუდენტები, პედაგოგები, ადმინისტრაციული პერსონალი და მოწვეული სტუმრები. აკადემიის დირექტორმა, პროფესორმა რევაზ უზუნაძემ წარმატებული უწოდა კონფერენციის მიმდინარეობას და მადლობა გადაუხადა თითოეულ სტუდენტს და მათ ხელმძღვანელებს საინტერესო თემების წარმოდგენისათვის. მანვე საპრიზო ადგილებზე გასვლისათვის საჩუქრებითა და ქების სიგელებით დააჯილდოვა სტუდენტები: სალომე ბალაძე ( I ადგილი), მარინა ხაჩატრიანი ( I ადგილი), შორენა ჩოგაძე ( II ადგილი), ნათია მაისურაძე ( III ადგილი). წარმოდგენილი საყურადღებო ნაშრომისათვის დაჯილდოვდნენ ნინო აბაშიძე, ემზარ შაინიძე, არჩილ როდინაძე, თამუნა გორგაძე, თეონა ჭაღალიძე, ლელა მახარაძე, მარიამ ვერულიძე, დიანა არძენაძე, გვანცა გალოგრე, ნატო ქამადაძე. სხვადასხვა ხასიათის სამედიცინო და მხატვრული ლიტერატურით დაჯილდოვდნენ და საპატიო სიგელები გადაეცათ წარმატებული თემის ხელმძღვანელ პროფესიულ მასწავლებლებს: მზია ბაკურიძეს, ნინო ცინცაძეს, ნარგიზ ბუცხრიკიძეს, მარინა კვირიკაძეს, ზაირა ჯაფარიძეს, ნონა ქათამაძეს, ინგა ვარდიძეს, თამუნა მუფთიშვილს. აკადემიის საპატიო სიგელით დაჯილდოვდა სტუდენტური გაერთიანების კურატორი, სოფიო ბრუნჯაძე, ხოლო მადლობის ბარათი გადაეცა პროფესიულ მასწავლებელს ინგა ვარდიძეს და ნარგიზ ბუცხრიკიძეს. ყურადღების მიღმა არ დარჩენილან სასწავლებლის კურსდამთავრებულები. პროფესიულ საქმიანობაში მიღწეული წარმატებებისათვის ”საამაყო აკადემიელის წოდება” მიენიჭათ ოლღა იშჩენკოს, შორენა უზუნაძეს, ლელა ჭარბაძეს, ქეთევან მახარაძეს. უფროსი თაობის წარმომადგენლებს შორის საპატიო და ღვაწლმოსილი აკადემიელის წოდებები მიენიჭათ პროფესორ აკაკი ზოიძეს, და მრჩეველთა საბჭოს თავმჯდომარეს, გრიგორ გოგუაძეს, ხოლო სამედიცინო აკადემიის მეგობრის წოდება - მრჩეველთა საბჭოს წევრ თამაზ თურმანიძეს. ღონისძიების დასკვნით ეტაპზე სიტყვით გამოვიდნენ სტუდენტები: ნატო ქამადაძე, შოთა ლომინაძე, თამუნა ბერიძე, სალომე ბალაძე, მარინა ხაჩატრიანი, შორენა ჩოგაძე, ნათია მაისურაძე, დირექტორის მოადგილე ევგენი თავდგირიძე, ადმინისტრაციის წარმომადგენლები და პედაგოგები: მზია ბაკურიძე, ინგა შალამბერიძე, ზაირა ჯაფარიძე, ნონა ქათამაძე. სტუდენტები: ნანა უგულავა და ქეთევან მახარაძე. ღონისძიების დასასრულ წარჩინებული სტუდენტებისათვის დაიგეგმა ექსკურსია ბათუმის ბოტანიკურ ბაღში.

14 მაისის დილა ხალისიანად დაიწყო ბათუმის სამედიცინო აკადემიაში. სტუდენტები შემოქმედებით-სპორტული პაექრობისათვის ემზადებოდნენ....

მასპინძლის - საზღვაო სასწავლებელ „ანრის“ სააქტო დარბაზში უამრავი ადამიანი შეიკრიბა...

სცენაზე ერთმანეთს ცვლიდნენ სიტყვის ახალბედა ოსტატები, დეკლამატორები, იუმორის „დიდოსტატები“, მომრერლები, სპორტის მოყვარულები... დარბაზში იყო ხალისიანი განწყობილება, უამრავი ღიმილიანი სახე და ბევრი ტაში...

ჟიურიმ, რომლის შემადგენლობაში იყვნენ    მზია ბაკურიძე, ინგა შალამბერიძე,    რუსუდან დიასამიძე და ანზორ შარაშაძე, გამოავლინა სხვადასხვა ნომინაციებში გამარჯვებულები, რომელთაც წარმარება მიულოცა საზღვაო სასწავლებელ „ანრის“ დირექტორის მოადგილემ, ტექნიკის დოქტორმა რუსლან დიასამიძემ, ხარისხის უზრუნველყოფის სამსახურის უფროსმა, კაპიტანმა ბადრი ტოგონიძემ, ბათუმის სამედიცინო აკადემიის დირექტორმა, აჭარის პროფესიულ სასწავლებელთა წარმომადგენლობის კოორდინატორმა, პროფესორმა რევაზ უზუნაძემ, რომელმაც კონკურსში გამარჯვებულებს საჩუქრად გადასცა წიგნები და დააჯილდოვა სიგელებით. ღონისძიებას უძღვებოდა აკდემიის დირექტორის მოადგილე ევგენი თავდგირიძე.

11 მაისს ბათუმის სამედიცინო აკადემიაში გაიმართა ”ღია კარის” დღე. ღონისძიებაში მონაწილეობდნენ ქალაქ ბათუმის  საჯარო სკოლების მე-9 - მე-12 კლასელები, აკადემიის კურსდამთავრებულები და პედაგოგები. სასწავლებლის წარსულსა და დღევანდელობაზე მის მიერ განხორციელებულ პროგრამებზე, ტექნიკურ აღჭურვილობაზე, მიღების პირობებზე და სტუდენტურ ცხოვრებაზე სტუმრებს ესაუბრენ აკადემიის დირექტორი, პროფესორი რავაზ უზუნაძე, დირექტორის მოადგილე ევგენი თავდგირიძე, სტრატეგიული განვითარებისა და ხარისხის უზრუნველყოფის მენეჯერი მზია ბაკურიძე,  სტუდენტთა თვითმმართველობის ლიდერი  შოთა ლომინაძე.

აკადემიის სტუდენტებმა სტუმრებს გააცნეს საკუთარი შემოქმედება. ნაჩვენები იყო სასწავლებლის  ცხოვრების ამსახველ ვიდე-ფოტო კოლაჟი. მოსწავლეებმა, დაათვალიერეს აკადემიის აუდიტორიები, ბიბლიოთეკა, კაბინეტ-ლაბორატორიები.

ბათუმის სამედიცინო აკადემიაში სტუდენტური დღეები გრძელდება. 7 მაისს გაიმართა შემოქმედებითი კონკურსი. ერთმანეთს ეპაექრებოდა 20-ზე მეტი კონკურსანტი. გამოვლინდნენ გამარჯვებულები სხვადასხვა ნომინაციებში:
საუკეთესო  ფოტო/ნახატი- მარიამ ჯგარკავა
ჩემი ერთი წუთი-ნატო ქამადაძე, თეა კალატოზი
მხტვრული კითხვა- შოთა ლომინაძე
სიტყვის აწყობა- შოთა ლომინაძე

ღია კარის დღე

ბათუმის სამედიცინო აკადემიაში

(11 მაისი, 14 საათი)

23 წლის განმავლობაში ფარხმალი არასოდეს დაუყრია. მიუხედავად იმისა რომ 2007 წელს სრულიად უკანონოდ ორსართულიანი შენობა დაუნგრიეს, არ გატყდა, არასათანადო გარემოში სიცოცხლის გაგრძელების არნახული ენერგია გამოამჟღავნა, რაც 2014 წელს სასწავლებლისათვის „ავტორიზაციით“ და „სამედიცინო აკადემიის“ სახელის მინიჭებით დასრულდა.

ამჟამად ბათუმის სამედიცინო აკადემიის ცხოვრებაში განახლების, ახალი პროგრამების ათვისების, გაფართოების, სწავლების თანამედროვე მეთოდების პრაქტიკაში დანერგვის, სტუდენტური თვითმმართველობის განმტკიცების და საერთოდ, ქალაქის, რეგიონის და ქვეყნის ცხოვრებაში მისი აქტიური ჩართულობის პერიოდია....

ეს პერიოდი ხასიათდება დინამიურობით, სრულყოფილებისაკენ სწრაფვით, იდეების მრავალფეროვნებით; გვსურს ქვეყნის მასშტაბით ცხოვრების ნორმად ვაქციოთ თითოეული მოქალაქისათვის პირველადი გადაუდებელი დახმარების ცოდნა, საოჯახო მომსახურების ცენტრის სრული ამოქმედებით „შინმოვლის“ თანამედროვე სტანდარტების დამკვიდრება, სადაც შემთხვევით არჩევანს ჩაანაცვლებს საიმედო გადაწყვეტილებები...

და მაინც, ჩვენი უმთავრესი საზრუნავია ის, ვინც ჩვენს საერთო მომავალს ქმნის, ჩვენს და თქვენს საერთო პერსპექტივას. ჩვენი სტუდენტი,  ჩვენი თვალით დანახულს, გულით შეგრძნობილს და გონებით გაანალიზებულს ითვისებს. სამაგიეროდ,  ჩვენ მათგან ვიძენთ სიცოცხლის ახალ სტიმულს, ვსწავლობთ ხალას ურთიერთობებს, გულწრფელობას, თავისუფლებას...

როგორი უნდა იყოს ჩვენი მომავალი?

 -  დადგა დრო, როცა ჩვენგან დასაქმებისთანავე ითხოვენ მაღალ პროფესიონალიზმს.

-  დადგა დრო, როცა ჩვენ უნდა ვირჩევდეთ პროფესიას, რომელიც დაგვასაქმებს.

-  უნდა ავირჩიოთ პროფესია, რომელიც ჩვენგან მოითხოვს გულმოდგინებას და არ ტანჯვას.

-  უნდა ავირჩიოთ პროფესია, რომელშიც ვხედავთ ჩვენს უახლოეს პერსპექტივას და არ უნდა მივეცეთ ილუზიებს.

როცა საკითხს ასე ვსვამთ, კარგად ვხედავთ როგორც დღევანდელ რეალობას, ისე მომავლის პერსპექტივას. ჩვენი არჩევანი არ არის მხოლოდ სიმბოლური დატვირთვის „უმაღლესის დიპლომის“ ჯიბეში ჩადება და მერე იქ დაობება. ჩვენი არჩევანია პროფესიები, რომლებიც ჩვენს კურსდამთავრებულებს დასაქმების და საკუთარი თავის რეალიზაციის  მეტ შანსს მისცემს.

გამოიყენეთ ეს შანსი! მოდით ჩვენთან! ისწავლეთ, შეიძინეთ მეგობრები, გაიარეთ პრაქტიკა, დასაქმდით და იცხოვრეთ ბედნიერად!

                                                            პატივისცემით:  ევგენი თავდგირიძე

                                                                                          ბათუმის სამედიცინო აკადემიის

                                                                                          დირექტორის მოადგილე

30 აპრილს ბათუმის სამედიცინო აკადემიაში გაიმართა საქართველოს შინაგან საქმეთა სამინისტროსა და პოლიციის აკადემიის ერთობლივი ტრენინგ–სემინარი თემაზე: „ადამიანი და კანონი“. ტრენინგ–სემინარს უძღვებოდა პოლიციის აკადემიის მე–4 კურსის სტუდენტი ნიკოლოზ აბუაშვილი. ღონისძიება საინტერესოდ წარიმართა, დაისვა მრავალი შეკითხვა და გაიმართა მწვავე დისკუსია, რომელშიც აქტიურად მონაწილეობდნენ აკადემიის პედაგოგები, სტუდენტები და ადმინისტრაციული პერსონალი. ღონისძიების დასასრულს გაჟღერდა რომ აკადემიის დირექტორის, პროფესორ რევაზ უზუნაძის გადაწყვეტილებით ნიკა აბუაშვილს მიენიჭა „აკადემიის მეგობრის“ სტატუსი, ღონისძიების ეფექტური წარმართვის, აუდიტორიასთან საქმიანი, კეთილგანწყობილი და გულითადი ურთიერთობის დამყარებისათვის.

აჭარის  პროფესიულ სასწავლებელთა  წარმომადგენლობის

გ ა ნ ც ხ ა დ ე ბ ა 

2015 წლის სტუდენტურ დღეებთანდაკავშირებით აჭარის პროფესიულ სასწავლებელთა  წარმომადგენლობა ატარებს სხვადასხვა ნომინაციაში სტუდენტთა შემოქმედებით-სპორტულ კონკურსს.

გთხოვთ წარმომადგენლობის წევრ სასწავლებლებს - 4 მაისამდე ელ ფოსტით  დაგვიდასტუროთ სტუდენტურ კონკურსში თქვენი მონაწილეობის შესახებ. 11 მაისამდე სასწავლებლებმა უნდა წარმოადგინოთ შემოქმედებით-სპორტულ ნომინაციებში მონაწილე სტუდენტთა დამოწმებული სიები.

ვაქვეყნებთ სპორტულ-შემოქმედებით კონკურსის გეგმა-გრაფიკს

ცნობისათვის: საქართველოს კერძო  კოლეჯების ასოციაციის  აჭარის პროფესიულ სასწავლებელთა წარმომადგენლობა დაფუძნდა 2014 წლის 2 დეკემბერს. წარმომადგენლობაში გაერთიანებული არიან  ბათუმის საზოგადოებრივი აკადემია, ბათუმის სამედიცინო აკადემია, ბათუმის დამოუკიდებელი უნივერსიტეტი, ბათუმის  უმაღლესი საზღვაო საინჟინრო სასწავლებელი ”ანრი”, პროფესიული სასწავლებლები - ”ბლექსი”, ”ახალი ტალღა”, ”ეკვადორი”.

ჩვენი მისამრთია- ქ.ბათუმი პუშკინის ქ. №118, IV სართული (ბათუმის სამედიცინო აკადემია). ტელ. 27-89-01. ელ ფოსტა: This email address is being protected from spambots. You need JavaScript enabled to view it.

პატივისცემით

რევაზ უზუნაძე

სამედიცინო აკადემიის დირექტორი

წარმომადგენლობის კოორდინატორი

პირის ღრუს ჰიგიენის მსოფლიო დღესთან დაკავშირებით 1 აპრილს ბათუმის სამედიცინო აკადემიის კბილის ტექნიკოსის პროგრამული კურსის სტუდენტების, მასწავლებელთა ინიციატივით გაიმართა დისკუსია. მოხსენებები წარმოადგინეს სტუდენტებმა- ირაკლი ბოლქვაძემ, თემურ ტარიელაძემ, ვარდან ნერსესიანმა, არჩილ როდინაძემ. დისკუსიაში მომნაწილეობდნენ პროფესიული მასწავლებლები- შ. უზუნაძე, ნ. ნიგარიძე, თ. კვიტატიანი, ი. შალამბერიძე. დისკუსია უძღვებოდა პროგრამის ხელმძღვანელი შ. უზუნაძე.

დისკუსია თემაზე: აუტიზმის ცნობადობის ამაღლების მსოფლიო დღე.

მომხსენებელი: სალომე ბალაძე

ბათუმის სამედიცინო აკადემიის ჯანდაცვის სკოლამ აუტიზმის ცნობადობის ამაღლების 

მსოფლიო დღესთან დაკავშირები ჩაატარა დისკუსია თემაზე:,,ერთად ერთმანეთის უკეთესი მომავლისათვის".

ფარმაცევტული პრეპარატების წარმოების სპეციალობის სტუდენტმა  სალომე ბალაძემ წარმოადგინა თემა:,„„ჩვენ  ერთად  ყველაფერს შევძლებთ!“

,დისკუსიაში მონაწილება მიიღოა კადემიის დირექტორმა -პროფესორმა ბატ. რევაზ უზუნაძე, დირექტორის მოადგილემ ბატ. ევგენი თავდგირიძემ და პროფ. მასწავლებლებმა:  ზაირა ჯაფარიძემ, ნატალია ჭიჭილეიშვილმა.ინგა ვარდიძემ,სოფიო ბრუნჯაძემ და მზია ბაკურიძემ. მათ ისაუბრეს აუტიზმის სიმპტომებზე,   სირთულეებზე სხვა  ადამიანებთან კომუნიკაციაში აუტიზმის გამომწვევ მიზეზებზე, დიაგნოსტიკაზე და აუტიზმის მკურნალობაზე.