მადლობის სიგელი

ბათუმის სამედიცინო აკადემიას

            23 დეკემბერს სასტუმრო „ქორთიარდ მარიოტში“ გამართულ ღონისძიებას მასპინძლობდნენ საქართველოს განათლებისა  და მეცნიერების სამინისტრო და ხარისხის განვითარების ეროვნული ცენტრი.  მოეწყო -  პროფესიულ კვალიფიკაციათა განვითარების ხელშეწყობის პროგრამის 2015 წლის წლიური ანგარიშის პრეზენტაცია.

ზოგიერთ  საგანამანათლებლო დაწესებულებასთან ერთად  ბათუმის სამედიცინო აკადემია დაჯილდოვდა  სიგელით „მოდულური საგანმანათლებლო პროგრამების  დანერგვის პროცესში ჩართულობისა და პროფესიულ კვალიფიკაციათა  განვითარების ხელშეწყობის პროგრამასთან აქტიური თანამშრომლობის გზით პროფესიული განათლების რეფორმის მხარდაჭერისათვის“. საქართველოს  განათლებისა და მეცნიერების მინისტრის მოადგილემ ქეთევან ნატრიაშვილმა  სამედიცინო აკადემიის სიგელი გადასცა სასწავლებლის დირექტორს რევაზ უზუნაძეს. ეს  ბათუმის სამედიცინო აკადემიის წარმატების კიდევ ერთი გამოხატულებაა.

სტუმრად შეზღუდული შესაძლებლობების მქონე ბავშვებთან

ტრადიციულად ბათუმის სამედიცინო აკადემიის  პერსონალმა და სტუდენტებმა ჩაატარეს  მორიგი საქველმოქმედო აქცია. მრავალნაირი საჩუქრებით-სათამაშოებით, ტკბილეულობით ხელდამშვენებულები 22 დეკემბერს ეწვიენ ანდრია პირველწოდებულის სახელობის გიმნაზიის შეზღუდული შესაძლებლობების მქონე ჯგუფის ბავშვებს (ხელმძღვანელი ხათუნა ვარდიძე). წინა საახალწლო სტუმრობამ დიდად გაახარა ბავშვები. გაიმართა საახალწლო ზეიმი. ერთმანეთს ცვლიდა ბავშვების სიმღერები, ლექსები, ცეკვა. მათთან ერთად აქტიურობდნენ სტუდენტები. შეხვედრაში მონაწილეობდნენ  აკადემიის პედაგოგები - ინგა ვარდიძე, მზია ბაკურიძე, მარინე კვირიკაძე,  სოფიო  ბრუნჯაძე, ეთერი გოგიტიძე. სტუდენტები -  ანა ღურწკაია, ქეთი ჯორბენაძე, ნათია ქამაშიძე, ნათია ზოიძე, თეო ჯაბნიძე, დიანა დიასამიძე, ლელა მახარაძე, მელანო ქათამაძე, თეა კალატოზი, ინეზა კონცელიძე, მაია ჯამბერიძე,  ნანა დიდიძე, ელზა უზუნაძე, მაგდა ახალაძე, სოფიო არძენაძე, ლიკა კოსტავა, დარეჯან კომახიძე, რუსუდან ჯაფარიძე.  „ჩვენი სტუმრობით გამოწვეული ბავშვების დიდი სიხარული, სითბო და სიყვარული მთელი სიცოცხლე გაგვყვება თითოეულ ჩვენთაგანს“, - ამბობს აკდემიის სტუდენტთა  გაერთიანების ხელმძღვანელი, პროფესიული  მასწავლებელი სოფიო ბრუნჯაძე.

სტუმრები დალოცა გიმნაზიის დირექტორმა  დეკანოზმა  - იაკობმა (ბენიძე)  

10-12  დეკემბერს ბათუმის სამედიცინო აკადემიაში  ვიზიტით იმყოფებოდნენ ხარისხის განვითარების ეროვნული ცენტრიდან  მოვლინებული გარე მხარდაჭერის ჯგუფის სპეციალისტები ირმა გრძელიძე, გოჩა გოგიტიძე, ისინი გაეცნენ განვლილი ხუთი კვირის მანძილზე აკადემიაში მოდულური პროგრამების დანერგვის მიმდინარეობას,  შიდა მხარდამჭერი ჯგუფის მიერ გაწეულ მუშაობას. დაესწრნენ მოდულების განმახორციელებელ პედაგოგთა  - ინგა ვარდიძის,  გულნარა აბაშიძე-გაბაიძის, მარინე კვირიკაძის, მზია ბაკურიძის, ირმა ნოზაძის, მეცადინეობებს. რომლებიც მოიცავდნენ თეორიულ, პრაქტიკულ მეცადინეობებს, განმსაზღვრელ შეფასებებს. გაესაუბრნენ სტუდენტბს. დაათვალიერეს  აკადემიის სასწავლო ბაზა. გაეცნენ სტუდენტთა და მოდულების განმახორციელებელ პედაგოგთა კითხვარების პასუხებს და მათ ანალიზს. 12 დეკემბერს გაიმართა შემაჯამებელი შეხვედრა  გარე მხარდამჭერი  ჯგუფის სპეციალისტებსა და აკადემიის  პერსონალს შორის. ექსპერტებმა გოჩა გოგიტიძემ, ირმა გრძელიძემ აღნიშნეს, რომ არის შესაბამისი პირობები და სასწავლებლის პერსონალის მზაობა მოდულური პროგრამების წარმატებით დასანერგად. ასევე ითქვა, მოდულების სხვადასხვა კომპონენტის სრულყოფილად განხორციელებისათვის საჭიროა მუშაობა მასწავლებელთა კომპეტენციის  ასამაღლებლად. აკადემიის დირექტორმა  რევაზ უზუნაძემ დადებითად შეაფასა გარე მხადამჭერი ჯგუფის  ვიზიტი. ასევე ითქვა, რომ მოდულური პროგრამის ცალკეული კომპონენტები საჭიროებენ სრულყოფას რაც  აღნიშნულია ადმინისტრაციის კომენტარებში. მოდულური პროგრამების  დანერგვის პროცესთან დაკავშირებით  ისაუბრეს  ი.შალამბერიძემ (სასწავლო პროცესის მართვის მენეჯერი), მ.ბაკურიძემ (ხარისხის უზრუნველყოფის მენეჯერი), პედაგოგებმა ი.ვარდიძემ, დ.სვანიძემ, ი.ნოზაძე, ვ.ტაკიძემ, გ.აბაშიძე-გაბაიძემ, ნ.სტამბოლიშვილმა.

ბათუმის სამედიცინო აკადემიაში მოდულური პროგრამების განმახორციელებელ პერსონალისათვის გაიმართა შიდა მხარდაჭერის ჯგუფის შეხვედრა-ტრენინგი.
აკადემიის დირექტორმა რევაზ უზუნაძემ მიმოიხილა შიდა და გარე მონიტორინგთან დაკავშირებული საკითხები. სასწავლებელში მოდულური პროგრამების დანერგვის პროცესი.
შიდა მონიტორინგის მიმდინარეობისა და მასთან დაკავშირებულ საკითხებზე დამსწრეთ ესაუბრა მზია ბაკურიძე (ხარისხის უზრუნველყოფის მენეჯერი, შიდა მონიტორინგის ჯგუფის კოორდინატორი). მან განიხილა შიდა შემოწმების ცხრილი შეფასების ინსტრუმენტის წინასწარი კონტროლის შესახებ, კითხვარი მასწავლებელთათვის.
გარე მონიტორინგის მოთხოვნების შესახებ თავის გამოსვაში გაამახვილა ყურადრება ინგა შალამბერიძემ (სასწავლო პროცესის მართვის მენეჯერი, პროგრამების განხორციელებაზე პასუხისმგებელი პირი). ასევე ისაუბრა შეფასების შემმოწმებლის ჩანაწერებზე შერჩევით შემოწმებისა და უკუკავშირის შესახებ.
სემინარი წარიმართა პროფესიულ მასწავლებელთა აქტიური ჩართულობით.

ბათუმის სამედიცინო აკადემიაში გაიმართა კიდევ ერთი საინტერესო ღინისძიება. კბილის ტექნიკოსის პროგრამის ხელმძღვანელ შორენა უზუნაძის ორგანიზატორობით, კბილის ტექნიკოსის დამამთავრებელი კურსის სტდენტებმა წარმოადგინეს მათ მიერ მომზადებული გაზეთის „ჯამრთელი ღიმილი“ ახალი ნომერი. გაზეთი დამსწრეთ გააცნო რედაქტორმა თემურ ტარიელაძემ. იგი კარგადაა გაფორმებული. მასში გამოქვეყნებულია საინტერესო მასალები. გაზეთის ახალი ნომრის გამოსვლა სტუდენტებს მიულოცა აკადემიის დირექტორმა რევაზ უზუნაძემ. კარგი სწავლისა და სტუდენტურ ცხოვრებაში აქტიური ჩართულობისათვის ქების სიგელებით დაჯილდოვდნენ სტუდენტები: თემურ ტარიელაძე, რობერტ თევზაძე, კობა სურმანიძე, თემურ კამკამიძე, ვარდან ნერსესიანი, ირაკლი მარგიშვილი, არჩილ როდინაძე, ემზარ შაინიძე. სტუდენტებს შემდგომი წარმატებები უსურვეს აკადემიის წარმომადგენლებმა ინგა ვარდიძემ, სოფიო ბრუნჯაძემ, მზია ბაკურიძემ, ინგა შალამბერიძემ.

მოდულური პროგრამის განმახორციელებელი ფარმაცევტის თანაშემწის სტუდენტები სასწავლო ექსკურსიაზე-გაცნობითი პრაქტიკა-პრაქტიკის ობიექტი შპს "გვირილა-2"

მოდულური პროგრამების დანერგვის

მონიტორინგისა და  ხელშეწყობის

სპეციალისტები აკადემიაში

მოდულური პროგრამების მხარდაჭერის მიზნით განათლების ხარისხის  განვითარების  ეროვნული ცენტრის  პროფესიულ კვალიფიკაციათა განვითარების ხელშეწყობის პროგრამის  ფარგლებში, დანერგვის კომპონენტებთან დაკავშირებით მეთოდოლოგიური კონსულტაციების გაწევის მიზნით აკადემიაში ცენტრის მიერ მივლინებული იქნენ მოდულური პროგრამების დანერგვის მონიტორინგისა და ხელშეწყობის სპეციალისტები მაია თოიძე, ეკა ფოჩხუა. შეხვდნენ სასწავლებლის ადმინისტრაციულ პერსონალს. იყო კონსულტაციები, აზრთა გაცვლა სასწავლო პროცესის დაგეგმვასა და განხორციელებასთან დაკავშირებით, ასევე მონიტორინგის პროცედურებთან და ღონისძიებებთან დაკავშირებით.

ბათუმის სამედიცინო აკადემიის კიდევ ერთი წარმატება